فوضي رسم المخ
نعاني في مصر من فوضي في مجال المخ و الاعصاب في عمل رسم المخ سأحاول إيجاز ملامحها١- يصر البعض من أطباء المخ و الاعصاب و غيرهم من بعض التخصصات علي طلب رسم مخ للمتابعة في كل زياره لمريض التشنجات و لا يوجد أي أساس علمي لذلك الرسم بيتعمل فقط في الاول للتشخيص و ممكن في الاخر في حاله الرغبه في سحب العلاج اي دكتور يطلب من المريض عمل رسم مخ بشكل متكرر إما هو علي غير درايه بكيفيه علاج و متابعه مثل هذه الحالات و إما للأسف مستغل (ملحوظه : ممكن لطبيب المخ والأعصاب اعاده عمل رسم المخ مره تاني لو مثلا الرسم الاول كان غير دقيق او عاوز يضيف تقنيه معينه لكن انا باتكلم علي اللي بيعملوه كل زياره بشكل روتيني)مفيش حاجه اسمها متابعه نسبه الكهرباء متابعه حالات التشنجات بيبقي اكلينيكي بدون داعي لعمل رسم مخ بشكل متكرر٢- ساعات كتير الدكاتره اللي عندها جهاز في عيادتها بيعمل الرسم و يحصل قيمته من المريض و لا يكتب له تقرير علي اعتبار أن المريض متابع معاه و هو عرف فيه ايه و خلاص لا يا فندم.. المريض من حقه ياخد تقرير للرسم اللي دفع تمنه٣- بعض التقارير في بعض المراكز بتيجي بدون إمضاء و ده أمر في غايه الاستفزاز لأن من حقي كدكتور و من حق المريض انه يعرف مين اللي كتب التقرير و ايه هي مؤهلاته عشان اقدر احدد مدي الثقه في التقرير ساعات مايمضوش او يمضوا فورمه(لا حضرتك احنا مش في البنك) او يمضي بالحروف الأولي من اسمه N.M. مثلا ( لا حضرتك ده تقرير طبي مش هديه فلانتين) و ساعات يحط ختم المركز اللي هو برضه لا يعني شيءطبعا الهروب من كتابه الاسم قد يعني في بعض الأحوال القليله ان اللي كتب التقرير هو الفني 🙄😲آه و الله الفني .. !!!بعضهم لقط الصنعه و جاب جهاز و بيحط الاسطامبات اللي اتعلمها في المراكز السابقه و دي كارثه و ده طبعا بيحصل فقط في مراكز بير السلم مش المراكز الكبيره المحترمه (ملحوظه: من الطبيعي أن اللي بيعمل الرسم فني و ليس طبيب و حضرتك كمريض مش بتشوف الطبيب اللي بيكتب التقرير ..ده طبيعي في العالم كله .. انا بتكلم عن ان لازم التقرير يبقي عليه إمضاء واضح باسم الطبيب و هذا يكفي)٤- بعض المراكز أشك تماما في ان الرسم بيتعمل بطريقه صح اصلا هناك مركز بقاله سنين طويله بيطلع نفس التقرير لجميع المرضي بيغير فقط الناحيه مره left و مره rightLeft front temporal epileptogenic dysfunction with some propagation to the right sideاقسم بالله عبر سنين طويله لم يتغير هذا التقرير من أحد المراكز والمشكله انه بيتكتب للطفل أدويه كهرباء بناء على التقرير بدون داعي و هم لا يعانون من تشنجات اصلا٥ - لا يوجد أي داعي طبي لعمل رسم المخ في حالات الصداع او ضعف الذاكره و التركيز او التوحد او فرط الحركه او التشتت او الأمراض النفسيه لأن المشاكل دي ليس لها أي علاقه بكهربيه المخ و لا داعي أصلا لعمل رسم المخ لمثل هذه الحالات أما كتابه أدويه كهرباء فهو مشكله اكبر ( مع العلم ان بعض أدويه الكهرباء ممكن تستخدم كوقايه من الصداع النصفي و في بعض الأمراض النفسية )رسم المخ يطلب في حالات التشنجات أو الشك فيها و احيانا اضطرابات الوعي٦- تشخيص الصرع و اضطراب كهربيه المخ تشخيص اكلينيكي بالدرجه الأولي و رسم المخ مجرد أداه لتأكيد التشخيص .٧- ساعات المريض يحب يجيي للدكتور جاهز بفحوصاته فبيروح لأي مركز و غالبا بيختار الارخص او الأقرب لا حضرتك اصبر لما الدكتور يشوف الحاله لسببين اولا :هيوجهك للمراكز ذات السمعه الجيده و ما أكثرها و اللي معروف مين الدكتور اللي فيها و عندنا أساتذه و استشاريين في مصر علي درجه ممتازه من الدقه و المهاره و الامانه .ثانيا : رسم المخ له ١٠٠ طريقه و انا كدكتور لازم اكتب في التحويل لمركز رسم المخ انا شاكك في انهي نوع من التشنجات و ايه الطريقه اللي عايز الرسم يتعمل بيها في أنواع كهرباء تبان فقط اول النوم و أنواع أثناء النوم و أنواع تبات في الصباح الباكر و أنواع مع النهجان و حالات محتاجه فيديو و غيرهاأخيرا ٨- ١٥ % من الناس الطبيعيه عندهم تغيرات في رسم المخ و اعتبار هذه التغيرات كهرباء زائده و كتابه أدويه كهرباء دون وجود تاريخ مرضي لحدوث اغماءات او تشنجات هو نوع من الممارسه الطبيه المغلوطه
